erovnuli zalebi modian! - 14 ნოემბერი, 2011 - 12:11
ნამეტანი ბოდიში მომითხოვია, მაგრამ მაინც ვერ ვხვდები კონკრეტულად რას აკრიტიკებთ. ანუ იმის თქმა გინდათ, რომ სამეგრელოში ნებისმიერ დიდ სუფრაზე სასმელს ძალით რომ გასხამენ პირში ეს ტრადიცია არაა? მე არ ვიცი თქვენ "მეცნიერულ განსაზღვრებას" რას ეძახით, მაგრამ მთელი რიგი ტრადიციები, გამოთქმები და ჩვეულებები დამპყრობლების შემოტანილი რომაა, სიახლეა ამაში რაიმე? რაც შეეხება "უცხო და მიუღებელი ტრადიციის ნებაყოფლობით დამკვიდრებას", უმორჩილსად გთხოვთ გაეცნოთ თუ რა ხდებოდა საქართველოში ჯერ არაბების შემოსვლის დროს და მოგვიანებით – როსტომ მეფის ხანაში. მანდ ნახავთ, "უცხო და მიუღებელ" ისლამის ტრადიციებს ქართველები როგორი შხმუტუნით იღებდნენ...
ათაბაგი - 14 ნოემბერი, 2011 - 01:06
"ქრემერი ირწმუნება, რომ ყველა ნამდვილად დიდებულ ღვინოს ყოველთვის აქვს სხვებისგან რაღაც უპირობოდ განმასხვავებელი, რაც მას მათზე უფრო მაღლა აყენებს. ის უბრალოდ სიამოვნებას კი არ განიჭებს, თავს გამახსოვრებს თავისი რომელიღაც გამორჩეული თვისებით. დამწყებს ასეთი ღვინო შეიძლება მაინცდამაინც არ მოეწონოს. მას შეიძლება გააჩნდეს მოულოდნელი სიტკბო, როცა მშრალ ღვინოს ის ნაკლებად უნდა ჰქონდეს, ან ჰქონდეს მაღალი მჟავიანობა, მაგრამ ერთი რამ ეჭვგარეშეა – ეს არ იქნება ჩვეულებრივი, ადვილად აღსაქმელი და ყველასთვის მოსაწონი სასმელი. ასეთი ექსპერიმენტების ჩატარება კი არა დეგუსტაციებზე, არამედ რესტორნებში უმჯობესია, რადგან ასეთ ღვინოს რომ გემო გაუგო, კერძია საჭირო. სასიამოვნო ღვინოების მირთმევა ყველაფრის გარეშეც კომფორტულია, როცა განსაკუთრებული, ხასიათის მქონე ღვინოებს საკვები სჭირდებათ საუკეთესო თვისებების გამოსავლენადო, ირწმუნება ქრემერი."
ძალიან კარგი წერილია :)
davidtsin - 13 ნოემბერი, 2011 - 19:21
,,როდესაც ქართულ სუფრასთან და ღვინის სმასთან დაკავშირებულ ადათ-წესებსა და უძველეს ტრადიციებზე ვსაუბრობთ, შეიძლება ბევრმა არც იცოდეს, რომ იმ ადათების უდიდესი ნაწილი, რომელთაც ქართულად მივიჩნევთ, ხშირ შემთხვევაში სულაც არაა ქართული და შემოსულია სხვა ხალხების კულტურებიდან. თითქმის ყველა დამპყრობელმა ქართველებს საკუთარი კულტურის ელემენტები დაგვიტოვა და მრავალი არაქართული, მაგრამ დაუსაბუთებლად ქართულად მიჩნეული ტრადიცია დღემდეა შემონახული. ქართველი ისტორიკოსებისა და ეთნოგრაფების ათეული წლების მანძილზე ჩატარებული კვლევებით ირკვევა, რომ ჩვენი სუფრული ადათ-წესები წმინდა კავკასიური ტრადიციების გარდა, მონღოლურ, არაბულ, ოსმალურ, ირანულ, ურარტულ, სკვითურ და კიმერიულ ტრადიციებსაც ეფუძნება.პრაქტიკულად არ გვყოლია ისეთი დამპყრობელი, რომელსაც ქართულ სიტყვიერებასა და სასმელის სმის კულტურაში რაიმე თავისი არ შემოეტანოს. ალექსანდრე ჯელაძე, ეთნოგრაფი: `მცდარი იქნება, თუკი დავიწყებთ იმის მტკიცებას, რომ ჩვენი კულტურა მხოლოდ კოლხურ-იბერიულ საწყისებზე აღმოცენდა. ამის ნათელი მაგალითია თუნდაც ქართული სუფრა, რომელშიც წმინდა ქართული დღეს ძალიან ცოტა რამ თუ არის. ღვინის დაძალება მონღოლებისაგან გადავიღეთ." - ამას რომ ადამიანი დაწერს ის სტატია არც უნდა წაიკითხო :):) - ,,როდესაც ადამიანს ღვინის დაძალება ტრადიცია ჰგონია და მასზედ ამდენს საუბრობს მეცნიერული თვალსაზრისით! ეს უკვე საკმარისია მიხვდე თუ რა დონის მცოდნესთან გაქვს საქმე! მითუმეტეს თუ ამ ავტორს დაუჯერებთ უზველესი ღვინის და სუფრის ქვეყანას (ჯერ კიდევ მაშინ არსებულს როდესაც არ მონღოლები არ არსებობდნენ, არც რუსები და მრავალი სხვა და მათი ტრადიციებიც) თითქმის არ გვქონია (არ შემოგვრჩენია)საკუთარი ტრადიცია...მარტო უნდა გაიღიმო... მითუმეტეს ავტორმა არც ტრადიციის მეცნიერული განსაზღვრება იცის რადგან ტრადიცია ეს არის სიღრმისეული (კულტურული ჩვევა, რომელიც მკვიდრედება არა საუკუნის არამედ ათასწლეულთა განმავლობაში!!! მრავალი თაობების მიერ!!!) და იგი საუკუნეთა მანძილზე აერ ქრება, შეიძლება ადგილობრივს დაემატოს რამე სხვა ტრადიცია და არა გაქვრეს ადგილობრივი და იქცეს დამპყრობლის (თუნდაც რამდენიმესაუკუნოვანი) ბოგინის შემოტანილად... ადგილობრივი ტრადიციისთვის უცხო და მიუღებელი ტრადიცია, თითქმის შეუძლებელია რომ ნებაყოფლობით დამკვიდრდეს ერის კულტურაში...
ლეჩხუმელი - 11 ნოემბერი, 2011 - 22:20
უსახელოური მსურს წარვადგინო დეგუსტაციაზე, 2010წლის მოსავალი. ეკოლოგიურად სუფთა, ტრადიციული მეთოდით დაყენებული მარანში. სოფელი ოყურეში.
ქეთი - 8 ნოემბერი, 2011 - 13:07
არა, გეტვი არ არის. კუსკუსი პრინციპში მანანის ბურღულისგან მზადდება. საკმაოდ ვრცელი და შროლმატევადი პროცესია. "მარნის" შემდეგ ნომერში შევეცდები ჩავდო კუსკუსის მომზადების სწრაფი და მარტივი რეცეპტი, რომლითაც ისრაელსა და არაბეთის ქვეყნების მოსახლეობა სარგებლობს.
ნატო - 8 ნოემბერი, 2011 - 11:57
კუსკუსი იგივე ფეტვია? რაღაც ვიყიდე წონით , გარეგნულად კუსკუსს გავს, თუმცა ფეტვი ეწერა
გოგი - 6 ნოემბერი, 2011 - 11:41
თითქმის 60 წ რაც სტალინი მიიცვალა–შევარდნაძე აგერ გვიზის ––– გამგები გაიგებს!
რაც შეეხება რჩევებს –ვინ სად რა გაყიდა იაფად (ისიც
საკითხავია რა გაყიდა) ეგ რჩევა არ არის, პირადად მე მივცემ თავს უფლებას ვუთხრა და არა ვურჩიო ახალბედებს მონახონ ნამდვილად მცოდნე პირი ან მოიძიონ ლიტერატურა და ისწავლონ ანბანი მეღვინეობის,რომ უბრალოდ გაარჩიონ ღვინის გაკეთება ღვინის დაყენებისგან.
