ხაჭოს მინი-ტარტები

საჭირო მასალა:1 კონა ოხრახუში, 1 ჩ.კ. გამშრალი რეჰანი, 100 გ მაგარი ყველი, 1 ცალი ბულგარული წიწაკა, 2 ს.კ. დარბილებული კარაქი, 2 ცალი კვერცხი, 60 გ მანანის ბურღული, 400 გ  უცხიმო ხაჭო, 1 ლიმონის ცედრა, მარილი და წიწაკა - გემოვნებით.

მომზადება: მწვანილი გავრეცხოთ და ავკეპოთ. ყველი გავხეხოთ. წიწაკა დავჭრათ პატარა ნაჭრებად. კარაქი, კვერცხი, ხაჭო, მანანის ბურღული, ლიმონის ცედრა და სანელებლები ხელით კარგად ავთქვიფოთ, დავუმატოთ მწვანილი, ყველი და წიწაკა. ცომი მოვათავსოთ ცხიმწასმულ და ქაღალდჩაფენილ პატარა  ფორმებში და 180 გრადუსზე გახურებულ ღუმელში 30-35 წუთის განმავლობაში ვაცხოთ.

© ღვინის კლუბი/“Weekend“