გამოქვეყნებულია: 24 ივნისი, 2013 - 15:17
თურქეთის პრეზიდენტმა აბდულა გიულმა ხელი მოაწერა კანონს ალკოჰოლური სასმელების გაყიდვებისა და რეკლამირების რეგულირების შესახებ. აიკრძალა ალკოჰოლური სასმელებისა და მათი მწარმოებელი კომპანიების რეკლამა, ასევე სასმლის დალევა ნებისმიერ ადგილას, გარდა ლიცენზირებული ბარ-რესტორნებისა და მაღაზიებისა. 22:00-06:00 საათებში კი სპირტიანი სასმელების გაყიდვა საერთოდ იკრძალება. აღნიშნული კანონის მიღებას, რომელსაც პრეზიდენტმა 28 მაისს მოაწერა ხელი, საზოგადოების დიდი აღშფოთება მოჰყვა. ისინი მიიჩნევენ, რომ ეს არის ისლამური სახელმწიფოს შექმნისკენ გადადგმული კიდევ ერთი ნაბიჯი. ამ კანონის ინიციატორმა, ქვეყნის პრემიერ-მინისტრმა, რეჯეფ ტაიპ ერდოღანმა კი განაცხადა, რომ "თურქული ეროვნული სასმელი არის აირანი. ასე რომ, თუ ვინმეს სპირტიანი სასმელი მოუნდება, უმჯობესია, შინ მიირთვას." თუმცა აქვე ისიც უნდა აღვნიშნოთ, რომ იუნესკოს არამატერიალური კულტურული ძეგლების ჩამონათვალში შესატანად წარდგენილი იყო თურქული ანისულის არაყი - რაკი, რომელიც ძლიერ უყვარდა აბდულა გიულის დიდ წინამორბედს - მუსტაფა ქემალ ათათურქს.
© ღვინის კლუბი/Weekend
ბეჭდვა
თქვენი კომენტარი