ლაგმანი

საჭირო მასალა: 120 გ ცხვრის ხორცი, 150 გ პამიდორი, 70 გ ხახვი, 30 გ ტომატპასტა, 30 გ მწვანე ლობიო, 30 გ ნიახურის ღერები, 50 გ ბულგარული წიწაკა, 35 გ მწვანე თალგამი, 2 გ ბადიანი, 25 გ ზეთი, 3 გ ნიორი, 3 ღერი ოხრახუში, მარილი, წიწაკა - გემოვნებით. ატრიისთვის – 1 კვერცხი, 2 გ მარილი, 55 გ ფქვილი.

მომზადება: სქელძირიან, ღრმა ტაფაზე ზეთში შევწვათ დაჭრილი ხორცი, დავუმატოთ ტომატპასტა და ვშუშოთ. დავუმატოთ ბადიანი და დაჭრილი ბოსტნეული. მოვზილოთ ატრიის ცომი, ცოტა ხანს გავაჩეროთ, გავაბრტყელოთ და შემდეგ დავჭრათ ზოლებად. ატრია მოვხარშოთ მარილიან წყალში. ლაგმანი თეფშზე უნდა აეწყოს შემდეგნაირად: პირველ ფენად  მოვათავსოთ მოხარშული ატრია, შემდეგ ხორცი და ბოსტნეული, ზემოდან კი მოვასხათ ატრიის ნახარში.

© ღვინის კლუბი/Weekend