სოკოს ხიზილალა ბოსტნეულით

საჭირო მასალა: 300 გ ახალი ქამა სოკო, 400 გ სტაფილო, 1 ცალი მჟავე კიტრი, 200 გ ხახვი, 120 გ სატაცური, 3 კბილი ნიორი, 1/3 ჭიქა ზეთი, მარილი, პილპილი – გემოვნებით.

მომზადება: ხახვი, სტაფილო და სოკო პატარა ნაჭრებად, ნიორი კი წვრილად დავჭრათ. სატაცური და სტაფილო ჩავყაროთ მდუღარე მარილიან წყალში და 10 წუთი ვხარშოთ, შემდეგ გადავავლოთ ცივი წყალი და დავწრიტოთ. ტაფაზე დავასხათ ზეთი და მოვშუშოთ ხახვი და ნიორი. დავუმატოთ კიდევ ცოტა ზეთი და სოკო. ვშუშოთ, სანამ სოკო წვენს არ გაუშვებს. შემდეგ დავაყაროთ დაჭრილი კიტრის მწნილი, მოხარშული სტაფილო და სატაცური. მოვაყაროთ მარილი და პილპილი. ვშუშოთ, სანამ არ დარბილდება, შემდეგ გავაციოთ და კომბაინში დავაქუცმაცოთ.

© ღვინის კლუბი/Weekend