ფარშირებული კალმარები

საჭირო მასალა: 2 ცალი მთლიანი კალმარი, 100 გრამი კრევეტის ხორცი, 12 ცალი პატარა კრევეტი, 50 გ მაგარი ყველი, 1 ხახვი, 1 სტაფილო, 2 კბილი ნიორი, ზეთი, მარილი, თეთრი პილპილი – გემოვნებით.

მომზადება: სტაფილო, ნიორი და ხახვი წვრილად დავჭრათ. ტაფაზე გავაცხელოთ 1-2 ს.კ. ზეთი და მოვშუშოთ ხახვი და სტაფილო. ნივრის ნახევარი დავუმატოთ კრევეტების ხორცს, დავაყაროთ მარილი და პილპილი. გადავიტანოთ სტაფილოსთან და ხახვთან ტაფაზე და 1-2 წუთი ვშუშოთ. მოშუშული ინგრედიენტები გადავიტანოთ თასში და როცა გაგრილდება, ავურიოთ გახეხილი ყველი.

კალმარები კარგად გავასუფთავოთ, შევაშროთ, გამოვტენოთ გულსართით და ჩხირით შევკრათ. კალმარები ძალიან არ გავტენოთ, რომ შეწვისას არ დასკდეს. კალმარები 5 წუთის განმავლობაში ყველა მხრიდან შევბრაწოთ ზეთში. დავუმატოთ გასუფთავებული კრევეტები, დარჩენილი ნიორი და 3-4 წუთი ვშუშოთ. ამის შემდეგ გამოვრთოთ ცეცხლი და კერძი კიდევ რამდენიმე წუთით დავტოვოთ დავდახურულ ტაფაში.   

© ღვინის კლუბი/Weekend