ტარტალეტები ყურძნით

საჭირო მასალა:300 გ ფქვილი, 3 კვერცხის გული, 120 გ შაქრის პუდრა, 270 გ ცივი კარაქი, 1 მწიკვი მარილი. კრემისთვის - 1,5 ჭიქა რძე, 3/4 ჭიქა შაქარი, 2 სავსე ს.კ. ფქვილი, 2 ს.კ. შესქელებული რძე, 150 გ კარაქი, ვანილი - გემოვნებით

მოსართავად - 1-2 პაკეტი ვანილის შაქარი, 2-3 მტევანი მწვანე და ლურჯი ყურძენი.

მოზადება: ფქვილი, მარილი, კვერცხის გული, შაქრის პუდრა და კარაქი ავკეპოთ და ცომი მოვზილოთ, 30 წუთით შევდოთ მაცივარში, შემდეგ კი მოვათავსოთ ტარტალეტის ფორმებში, წირი ჩანგლით დავუჩხვლიტოთ და 160 გრადუსზე გახურებულ ღუმელში გამოვაცხოთ. შაქარი და ფქვილი გავხსნათ ცხელ რძეში და ავადუღოთ, როცა გაცივდება, შევათქვიფოთ ვანილი, კარაქი და შესქელებული რძე. კრემი ჩავდოთ გაციებულ ტარტალეტებში, მოვრთოთ შუა-შუა გაჭრილი ყურძნის მარცვლებით და ზემოდან მოვაყაროთ ვანილის შაქარი.

© ღვინის კლუბი/Weekend