თევზი ავოკადოს სოუსით

საჭირო მასალა: 600 გ ორაგული, 100 გ სტაფილო, 1 თავი ხახვი, 2 დაფნის ფოთოლი, 1 ავოკადო, 1 ლიმონი, 125 მლ იოგურტი, 10 მარცვალი ბაჰარი, მარილი გემოვნებით.

მომზადება: სტაფილო გავასუფთავოთ და დავჭრათ, ხახვი დავჭრათ ალყა-ალყა. ქვაბში ჩავასხათ დაახლოებით 2 ლ წყალი, ჩავყაროთ ბაჰარი, დაფნის ფოთოლი, მარილი, სტაფილო, ხახვი და ვადუღოთ 5 წუთი. თევზს მოვაშოროთ წვრილი ფხები, მოვათავსოთ ნახარშში და ვხარშოთ 5-7 წუთი. ავოკადო გავთალოთ, ამოვაცალოთ კურკა, დავჭრათ და ბლენდერში გავთქვიფოთ იოგურტთან, ლიმონის წვენთან, ცედრასა და ცოტა მარილთან ერთად. მოხარშულ თევზს გავაცალოთ კანი, მოვათავსოთ თეფშზე და მოვასხათ ავოკადოს სოუსი.

© ღვინის კლუბი/Weekend