ხმელთაშუაზღვის ბოსტნეულის წვნიანი

საჭირო მასალა: 2-3 ს.კ. ზეითუნის ზეთი, 500 გ მწიფე პამიდორი, 3 ცალი დიდი ზომის ტკბილი წითელი წიწაკა (შუაზე გაჭრილი და თესლამოღებული), 3 ცალი  სიგრძეზე გაჭრილი  ცუკინი, 1 ცალი პატარა, სიგრძეზე გაჭრილი ბადრიჯანი, შუა-შუა გაჭრილი 4 კბილი ნიორი, 2 თავი 8 ნაწილად დაჭრილი ხახვი, მწიკვი ხმელი ქონდარი, 4 ჭიქა ქათმის ბულიონი, 1 ს.კ. მარილი, 1 ს.კ. პილპილი, დაჭრილი რეჰანი - გასაფორმებლად.

მომზადება: წინასწარ გავახუროთ ღუმელი 375 გრადუსამდე. ტაფაზე წავუსვათ ფუნჯით ზეითუნის ზეთი. მოვაწყოთ ზედ ბოსტნეული: პამიდორი, წიწაკა, ცუკინი და ბადრიჯანი (გაჭრილი პირით ქვემოთ. საჭიროების შემთხვევაში გამოიყენეთ 2 საცხობი ჭურჭელი). ბოსტნეულს შორის ჩავალაგოთ ნივრისა და ხახვის ნაჭრები, ზემოდან მოვასხუროთ ზეითუნის ზეთი. მოვაყაროთ მარილი, პილპილი და ქონდარი. 35 წუთით შევდგათ ღუმელში გამოსაცხობად. როდესაც მზად იქნება, გავაგრილოთ, ბადრიჯანს და წიწაკას უხეში კანი მოვაცილოთ, ბოსტნეული დავჭრათ საჭრელით ან დანით (პიურესავით არ უნდა იყოს). დიდი ზომის ტაფაზე მოვათავსოთ დაჭრილი ბოსტნეული და დავასხათ ქათმის ბულიონი. წამოვადუღოთ 20-30 წთ. სანამ არ დარბილდება. საჭიროებისამებრ დავუმატოთ მარილი, წიწაკა, ქონდარი, ზემოდან მოვრთოთ რეჰანით ან შაშკვლავით.

© ღვინის კლუბი /Weekend