გამოქვეყნებულია: 2 ივლისი, 2014 - 00:50
კომპანია Sugahara Glassworks-ის იაპონელმა დიზაინერმა კეიტა სუზუკიმ ქვეყანაში ყველაზე მაღალი მთის - ფუძიამას - ფორმის კათხა შექმნა.
იმისათვის, რომ მსგავსება უფრო თვალნათელი გახდეს, კათხაში ლუდი ისე უნდა ჩაასხათ, რომ თავზე ქაფი მოიყენოს. თეთრქაფიანი კათხა დათოვლილ ფუძიამას მოგაგონებთ.
იდეიდან გამომდინარე კათხას სახელიც შესაბამისი შეურჩიეს - Fujiyama Beer Glass.
კათხა პაულოვნიასგან (ცნობილია აგრეთვე ადამის ხის სახელწოდებით) დამზადებულ ყუთში დევს. აღსანიშნავია, რომ სწორედ ამ ხისაგან მზადდება ტრადიციული იაპონური ჩაის ფინჯნები.
© ღვინის კლუბი /Weekend
თემა:
ბეჭდვა
თქვენი კომენტარი