ლეგენდარულ ჯეიმს ბონდსა და ვისკის - The Macallan-ს დიდი ხნის მეგობრობა აკავშირებთ. შოტლანდიური კომპანია და ფილმის პროდიუსერები ამჯერადაც გაერთიანდნენ და ბრიტანეთის სპეცსამსახურების აგენტებს ერთობლივად დაეხმარებიან. მოგეხსენებათ, 2012 წელს ეკრანებზე ჯეიმს ბონდის ჯერჯერობით უკანასკნელი ფილმი Skyfallგამოვიდა. სწორედ ამ ფილმით აღინიშნა ბონდიანას 50 წლის იუბილე – პირველი ფილმი ხომ აგენტ 007-ის შესახებ 1962 წელს გადაიღეს. იუბილის აღსანიშნავად აუქციონზე გაიყიდება 1962 წელს გამოშვებული ვისკიThe Macallan, მაგრამ ამ ვისკის მთავარი ღირსება ის არის, რომ მას Skyfall-ის მსახიობების – დენიელ კრეიგის, ხავიერ ბარდემისა და ბერენის მარლოს ხელმოწერები ამშვენებს. ვისკის გაყიდვიდან შემოსული თანხა საქველმოქმედო ორგანიზაცია Government Communications Fund-ს გადაერიცხება, ფონდი კი ბრიტანეთის სპეცსამსახურების (GCHQ)ყოფილ თანამშრომლებს დაეხმარება.
© ღვინის კლუბი/Weekend
ბეჭდვა
თქვენი კომენტარი