ავსტრალია, რომელიც აქამდე “ლუდის ქვეყნად” იყო ცნობილი, სავარაუდოდ, მალე დათმობს ამ ტიტულს, რადგან როგორც აღმოჩნდა, ქვეყნის მოსახლეობის უმრავლესობა სასმელებიდან უპირატესობას ახლა უკვე ღვინოს ანიჭებს. ბოლო მარკეტინგულმა კვლევებმა ცხადყო, რომ უკანასკნელი ათწლეულის განმავლობაში ღვინის გაყიდვებმა კონტინენტზე იმდენად მოიმატა, რომ სავარაუდოდ მალე ლუდის გაყიდვებსაც გადაუსწრებს. ავსტრალიის სტატისტიკის ბიუროს მონაცემებით, ქვეყანაში ბოლო ორმოცდაათი წლის მანძილზე ღვინის გაყიდვების მაჩვენებელი სამჯერ გაიზარდა, ლუდისა კი – ორჯერ შემცირდა. ამის მიუხედავად, ჯერჯერობით ლუდი მაინც მოწინავე პოზიციებს ინარჩუნებს და ავსტრალიელთა ალკოჰოლურ მისწრაფებებში 44% იკავებს, ღვინის მაჩვენებელი ამ ეტაპზე 36%-ით შემოიფარგლება. ღვინის პოპულარობის ზრდა, რა თქმა უნდა, პირდაპირ კავშირშია ავსტრალიური ღვინის მაღალ ხარისხთან და წარმოების ამ დარგის აღმავლობასთან, რაც ხელს უწყობს ავსტრალიელთა გემოვნების ჩამოყალიბებას და ბაზრის რეგულირებას.
© ღვინის კლუბი/Weekend
ბეჭდვა
თქვენი კომენტარი