გამოქვეყნებულია: 9 დეკემბერი, 2010 - 00:39
ხორვატიის დედაქალაქ ზაგრებში ღვინისა და კულინარიის რიგით მეხუთე ფესტივალი ჩატარდა, რომელიც ქვეყნის სოფლის მეურნეობის მინისტრმა პეტარ ჩობანკოვიჩმა გახსნა. ფესტივალს უამრავი სტუმარი ეწვია, ორი დღის განმავლობაში რამდენიმე ათასმა პროფესიონალმა თუ მოყვარულმა გურმანმა სხვადასხვა სახეობის ღვინო, ალკოჰოლური სასმელი, ყველი, ხორცის დელიკატესი, ტრიუფელი, ზეთისხილი და სხვა ნაციონალური პროდუქტი დააგემოვნა. ფესტივალზე მოწვეულნი იყვენენ ავსტრიის, გერმანიის, დანიის, იტალიის, ლუქსემბურგის, ჰოლანდიის, პოლონეთის, სლოვენიისა და შვეიცარიის წამყვანი ღვინის ჟურნალისტები, რომლებიც ღონისძიების გახსნამდე ხორვატიის ღვინის მწარმოებელ რეგიონებს სტუმრობდნენ.
© ღვინის კლუბი/Weekend
ბეჭდვა
თქვენი კომენტარი