საგარეჯოს მუნიციპალიტეტში რთველი დაიწყო

საგარეჯოში რთველი დაიწყო. მუნიციპალიტეტში ჯერ მხოლოდ საფერავის ჯიშის ყურძენს კრეფენ. ამჟამად მოსავალს ბადიაურის ღვინის ქარხანა იბარებს.

მუნიციპალიტეტის გამგებში შექმნილია რთველის საკოორდინაციო შტაბი. როგორც რადიო "ჰერეთს" შტაბის ერთ-ერთმა წევრმა, დავით ბაკურაძემ განუცხადა, მევენახეებს ყურძნის მიღებაზე პრობლემა არ შეექმნებათ.

 

ბადიაურის ქარხანამ უკვე ჩაიბარა 1251 ტონა საფერავი. საერთო ჯამში ქარხანა 5000 ტონა ყურძენს მიიღებს.

 

რქაწითელის ჯიშის მოკრეფა საგარეჯოში მომავალი კვირიდან დაიწყება, რადგან სპეციალისტების განცხადებით, ამ დროისათვის ყურძნის შაქრიანობა ნორმაზე დაბალია.

 

იმ შემთხვევაში თუ ყურძნის შაქრიანობა ნორმას არ მიაღწევს, ქარხანა ამ შემთხვევაში მოსავალში 20 თეთრით ნაკლებს გადაიხდის.