ხერესი სამხრეთესპანური შემაგრებული ღვინოა, რომლის პოპულარობაც ბოლო წლებში საგრძნობლად შემცირდა - დღეს მას უფრო წარსულის ღვინოდ თვლიან, ვიდრე მომავლის. ხერესის იმიჯის ასამაღლებლად თავდაპირველად ამერიკელებმა დაიწყეს ზრუნვა, ცოტა ხნის წინ კი ამ სასმელით ლონდონშიც დაინტერესდნენ და როგორც იუწყებიან, დიდი ბრიტანეთის დედაქალაქში სულ მალე პირველი ხერეს-ბარი, სახელად Bar Pepito, გაიხსნება. ბარი მარანის სტილში იქნება გაფორმებული და მის ყველა სტუმარს შეეძლება ხერესის სხვადასხვა სახეობის დაგემოვნება. გარდა სასმელისა, ბარში საჭმელიც ესპანური იქნება და ხამონის, ჩორისოსა თუ ზეთისხილის ჭეშმარიტ დამფასებლებს საშუალება ექნებათ ისიამოვნონ ესპანური სამზარეულოს უგემრიელესი შედევრებით. ბარის მეპატრონის განცხადებით, მას ეს იდეა ესპანეთში, ხერესის რეგიონში მოგზაურობის დროს გაუჩნდა.
ბეჭდვა
თქვენი კომენტარი