გერმანიაში ქართული ღვინის მიმოხილვა

2024 წლის მარტის მონაცემებით, საქართველოს ღვინის ექსპორტი გერმანიაში გამოირჩევა მნიშვნელოვნად მაღალი მაჩვენებლით: გერმანიის ბაზარზე უკვე იმპორტირებულია 1,702,156 ბოთლი ქართული ღვინო. ეს ციფრი კიდევ ერთხელ ხაზს უსვამს, რომ გერმანია უახლოვდება მნიშვნელოვან პოზიციას ქართული ღვინის ექსპორტის სფეროში, რაც გამოირჩევა სტაბილური ზრდით. ექსპერტები პროგნოზირებენ, რომ მომავალში ექსპორტი კვლავ გაგრძელდება ზრდის ტენდენციით, რასაც ხელს უწყობს როგორც თავად პროდუქციის ხარისხი, ასევე ქართველი მეღვინეების მიერ წარმოებული ღვინის იმიჯის განვითარება. ამასთანავე, ქართული ღვინის მიმართ მზარდი მოთხოვნა განპირობებულია მის ხარისხში ინვესტირებით და საერთაშორისო აღიარების ზრდით, თუმცა, ცხადია, არის საკითხები რაც დასახვეწია და რაც გასათვალისწინებელია მეღვინეებისთვის ექსპორტზე ღვინის გატანამდე.

ვინ სვამს ქართულ ღვინოს გერმანიაში?

გერმანული ბაზარი აჩვენებს გარკვეულ დინამიკას ღვინის მომხმარებელთა შორის, სადაც ქალები კვლავ უპირატესობას ანიჭებენ ქართულ ღვინოს, რაც განაპირობებს ქალთა 52%-იან წილს ბაზარზე, ხოლო მამაკაცები შეადგენენ 48%-ს.

რაც შეეხება ასაკობრივ გადანაწილებას, ყველაზე აქტიური მომხმარებლები არიან 30-50 წლამდე ადამიანები, რომლებიც სვამენ ღვინოს რეგულარულად და ამავე დროს ყურადღებას უთმობენ ხარისხს. ამ ასაკობრივ ჯგუფს მიეკუთვნება 48%, ხოლო მეორე მნიშვნელოვანი სეგმენტი 18-29 წლის ახალგაზრდები არიან, რომლებიც ქმნიან 37%-ს. 50-65 წლამდე ასაკობრივი ჯგუფი კი უფრო მერკანტილურ მიდგომას ამჯობინებს და მხოლოდ 15%-ს შეადგენს. მსგავსი სტატისტიკა აუცილებელია მარკეტინგული კომუნიკაციების დაგეგმვისას, რადგან ის საშუალებას გვაძლევს მიზნობრივად მივმართოთ მომხმარებლებს, რომლებიც უფრო მეტად არიან დაინტერესებული კონკრეტული პროდუქტებით და ახდენენ შესაბამის არჩევანს.

როგორია გერმანელი მომხმარებლის გემოვნება?

გერმანელი მომხმარებლები, რომლებიც ქართულ ღვინოს ანიჭებენ უპირატესობას, აღნიშნავენ, რომ ისინი მას მხოლოდ “ეგზოტიკურობის” არ არჩევენ, არამედ კონკრეტული მახასიათებლების გამო. სტატისტიკა გვიჩვენებს, რომ გერმანელებს ყველაზე მეტად მოსწონთ რბილი, საშუალოდ კომპლექსური და ძლიერი წითელი ღვინოები, ასევე შედარებით მსუბუქი, არომატული თეთრი ღვინოები. განსაკუთრებით საინტერესოა, რომ იზრდება ქვევრის ღვინის მიმართ ინტერესი, უფრო მეტად “ტრენდულია” ღვინის ეს კატეგორია ახალგაზრდებში, რომლებმაც აქცენტი გააკეთეს ეკოლოგიურ და ავთენტურ პროდუქტებზე. ეს ფაქტორი აძლიერებს ქართული ღვინის პოპულარობას ისეთ მნიშვნელოვან ბაზარზე, როგორიც გერმანიაა.

გერმანიაში ქართული ღვინის ფასი და აღქმა

გერმანიაში ქართული ღვინის ფასები ცვალებადია და დამოკიდებულია ღვინის ხარისხსა და ბრენდის პოპულარობაზე. ფასები შემდეგნაირად ნაწილდება:

• ყოველდღიური/მარტივი ღვინოები: $9–14

• სტანდარტული: $14–18

• პრემიუმი: $25–35

• ულტრა-premium: $35–50

• ლუქს კლასის: $50–100

• სუპერ ლუქსი: $100+

• განსაკუთრებული: $200+

აღსანიშნავია, რომ ქართულ ღვინოს ძირითადად სტანდარტული და პრემიუმი სეგმენტებში უფრო დიდი წარმოდგენილობა აქვს.

ქართული ღვინის ცნობადობა გერმანიაში

გერმანული ბაზრისთვის ქართული ღვინის ცნობადობა და მომხმარებლის მიერ ღვინის აღქმა კვლავ დაბალ დონეზე ხასიათდება, თუმცა ამასთანავე ზრდის ტენდენციით. 12% გერმანელებისა ქართულ ღვინოს გარკვეული კატეგორიის პროდუქტად მიიჩნევს, თუმცა მხოლოდ 3%-ს აქვს გამოცდილება ქართული ღვინის გასინჯვისა. უფრო ნაკლებად ცნობილია ღვინის დამზადების პროცესის სპეციალური ელემენტები, რადგან მხოლოდ <1% იცნობს ქართულ ვაზის ჯიშებს ან ქვევრის მეღვინეობას, რაც ბევრ მომხმარებელს ზღუდავს სწორი არჩევანის გაკეთებაში. ამასთან, ინფორმირებულ მომხმარებლებს შორის ქართული ღვინის აღქმა საკმაოდ პოზიტიურია. ყველაზე ხშირად აღიარებენ როგორც „უნიკალურს“ (72%) და „უცნობს“ (65%), თუმცა იმავე დროს  „ცნობისმოყვარე“ (58%) და „ბუნებრივადაც“ (42%). დანარჩენი მომხმარებლები ქართულ ღვინოს როგორც „მაღალი ხარისხის“ (38%) ღვინოდ აღიქვამენ. ამასთან, არსებობს რამდენიმე გავრცელებული მცდარი წარმოდგენა, როგორიცაა გეოგრაფიული დაბნეულობა რუსეთთან, ტკბილი ღვინის სტილთან ასოცირება და გაურკვევლობა ხარისხის სტანდარტებთან დაკავშირებით. ეს საკითხები კვლავ საჭიროებენ მარკეტინგული და საინფორმაციო სტრატეგიების გაუმჯობესებას, რათა გაძლიერდეს ქართული ღვინის პოზიცია გერმანულ ბაზარზე.

რა გავლენა აქვს მარკეტინგს?

გერმანელი მომხმარებლები უფრო მეტად ენდობიან იმ ღვინოებს, რომლებსაც აქვთ კარგად ჩამოყალიბებული ბრენდის იდენტობა, სერტიფიკაციები და, რაც ყველაზე მნიშვნელოვანია, საინტერესო ისტორია. ამისთვის ქართული ღვინის ბრენდებს სჭირდებათ უფრო დახვეწილი მარკეტინგული სტრატეგიები, რათა მათ თავიანთი პროდუქტები გააცნონ მომხმარებელს და გააუმჯობესონ მისი აღქმა. ქართული ღვინის თხრობა, რომელიც გადმოსცემს მის განსხვავებულობას და უნიკალურობას, უნდა იყოს უფრო მრავალმხრივი და გასაგები, რათა მოხდეს მომხმარებლის გულგრილობის დამარცხება.

რა შესაძლებლობებია წინ?

გერმანული ბაზარი არის ერთ-ერთი ყველაზე პერსპექტიული მიმართულება ქართული ღვინის ექსპორტისთვის. გერმანელები უკვე გამოხატავენ ინტერესს ახალი ღვინოების მიმართ, განსაკუთრებით ისეთის, რომელიც ორგანული და ეკოლოგიურად სუფთაა. თუ მეტი ქართული მეღვინეობა შეძლებს უპასუხოს გერმანული ბაზრის მოთხოვნებს და გააუმჯობეოს სეგმენტაცია, ქართული ღვინო შეიძლება არაერთი ევროპული ბაზრისთვის კონკურენტუნარიანი პროდუქტი გახდეს, რომელიც სხვა ქვეყნის ღვინოებს დიდ კონკურენციასაც გაუწევს. ტრენინგს უძღვებოდა ჯული პეტერსონი, Mar Wine Group-ის დამფუძნებელი და დირექტორი, 25 წელზე მეტი გამოცდილებით საერთაშორისო ბიზნესის განვითარებისა და მარკეტინგის სფეროში, ხოლო 16 წლის განმავლობაში მუშაობდა ამრიკის ბაზარზე ღვინის გაყიდვების ზრდაზე.

© ღვინის კლუბი/vinoge.com