კომენტარები

მე თითქმის ყოველ წელს ვაყენებ გორულ მწვანეს მცირე რაოდენობით. გალავანში ვიცნობ ერთ კარგ პაპას და იმისგან ვყიდოლობ-ხოლმე ყურძენს. ადრეც მითქვამს და ეხლაც ვიმეორებ, რომ ჩემთვის გორული მწვანე აღმოჩენა იყო, როდესაც მე ეს ჯიში პირველად დავაყენე დაახლოებით 15 წლის წინ. ერტ რამეს დავაკვირდი და მივხვდი, და უნდა ვთქვა, რომ მას მერე არაფერი შეცვლილა. სანამ არ გამოზაფხულდება, ანუ სანამ ღვინო ზამთარ-გაზაფხულს არ გაივლის რაღაც ვერ არის თავის გუნებაზე და ზაფხული რომ მოუწევს მერე ფრთები ამოსდის-ხოლმე. გასაოცარია პირდაპირ... მთელი ზამთარი და გაზაფხული სინჯავ, სინჯავ და ფიქრობ, რომ ნამდვილად შესცდი კაცი ეს ჯიში რომ დააყენე, მაგრამ აი მოვა ზაფხული და იტყვი: ე რა მივქარე, რო ამ ჯიშზე ეგრე ალმაცერად ვფიქრობდიო... გვარს არ დავასახელებ, მაგრამ ერთ-ერთმა ჩვენმა თვალსაჩინო ე.წ. ღვინის კომპანიამ ე.წ. მანავის მწვანე ჩამოასხა ამ რამდენიმე წლის წინ. მერე მიხვდა, რომ მთლად მანავის მწვანე ვერ გამოუვიდა, გადააძრო ბოთლებს ეტიკეტები და გორული მწვანე დააწერა... ვწუხვარ, მაგრამ სიმართლეა. და მაგ სიმართლით იარონ მაგათმა და მაგათნაირებმა. მოკლედ გორული მწვანე უძლიერესი ჯიშია!

---