გამოქვეყნებულია: 11 თებერვალი, 2009 - 01:45
მეღვინეობის სექტორში არსებული პრობლემების მოგვარებას და ქართული ღვინისათვის ალტერნატიული ბაზრების მოძიებას მეღვინეებთან ერთად საქართველოს მთავრობაც ცდილობს.
ამ მიზნით მთავრობამ ქვეყანაში ღვინის ცნობილი ექსპერტი ფედერიკ ბლუმი მოიწვია, რომელიც ღვინის სადისტრიბუციო კომპანიის „სოლერას“ მფლობელია და სკანდინავიის ბაზრის 40%-ს აკონტროლებს. ექსპერტის ვიზიტის მიზანი საექსპორტოდ ქართული ღვინოების შერჩევაა, რადგან სკანდინავიის ქვეყნებში ღვინის ბაზარზე საწელმწიფო მონოპოლიაა და იქ იმპორტისთვის მისაღებ პროდუქციას სპეციალური ტენდერით არჩევენ.
ბლუმს საქართველოში „თელავის ღვინის მარნის“, „თელიანი ველის“, „ქინძმარაულის“, “ჯივიესის“ და „ბადაგონის“ ღვინოები გაასინჯეს. მოწონებულ ნიმუშებს ფედერიკ ბლუმი ექსპერტიზისათვის ნორვეგიაში წაიღებს, შეკვეთებს კი მოგვიანებით გამოაგზავნის.
რადიო “კომერსანტი”
ბეჭდვა
თქვენი კომენტარი