შოკოლადის კექსი არაქისის პასტით

საჭირო მასალა: 100 გ კარაქი, 100 გ მწარე შოკოლადი, 30 გ შაქარი, 3 კვერცხი, 50 გ ფქვილი, 2 გ გამაფხვიერებელი. გულსართისათვის 130 გ არაქისის პასტა, 50 გ შაქრის პუდრა.

მომზადება: ღუმელი გავაცხელოთ 200 გრადუსზე. ორთქლის აბაზანაზე დავადნოთ შოკოლადი და კარაქი მინიმალურ ტემპერატურაზე მუდმივი მორევით და გადმოვდგათ ცეცხლიდან. კვერცხი და შაქარი გავთქვიფოთ და თანდათანობით შევურიოთ შოკოლადის მასას. დავუმატოთ ფქვილში შერეული გამაფხვიერებელი და კარგად ავურიოთ. გულსართისათვის - არაქისის პასტა გავთქვიფოთ შაქრის პუდრასთან ერთად. კექსის პატარა ფორმებს წავუსვათ კარაქი, ჩავდოთ თითო კოვზი ცომი, შემდეგ თითო კოვზი გულსართი და ისევ ჩაის კოვზით ცომი. ცხვება 7 წუთის განმავლობაში.

© ღვინის კლუბი/Weekend