ღვინო წინანდლის ადგილწარმოშობის დასახელების ზონაში საგანგებოდ შერჩეული საუკეთესო ყურძნიდანაა დაწურული, სადაც “რქაწითლის” სხეულსა და მაღალ შაქრიანობას ჰარმონიულად ერწყმის “კახური მწვანის” სიხალასე და არომატი. დაწურვის შემდეგ წვენი პირდაპირ მუხის კასრშია გადატანილი ფერმენტაციისთვის. ღვინო ფერის მაღალი ინტენსივობით გამოირჩევა, სადაც “წინანდლის” კლასიკურ ჩალისფერს ოქროს ფერიც ავსებს. ასეთ ელფერს ღვინოს 9 თვიანი დაძველების გარდა (ფრანგულ ახალ მუხის კასრებში), ტექნოლოგიური თავისებურებები და ორი ჯიშის ძალზე საინტერესო შეხამებაც ანიჭებს. გამოირჩევა კარამელის, ვანილის, კომშის სურნელით. აქვს საშუალო სხეულიანობა, მუხის და ჯიშური არომატის ჰარმონიული შერწყმა კი ღვინის ფინალს ხანგრძლივს ხდის.
9 თვე მუხაში დაძველებული “წინანდალი” კარგია მშრალ ყველებთან, შემწვარ თევზთან, ქათამთან, მოხარშულ ხბოს კანჭთან, ხბოს ბეჭთან. ცივი საუზმიდან ღვინო დააყოლეთ საქონლის ენას, მოხარშულ ბურვაკის ხორცს.
მალხაზ ხარბედია
© „მარანი“
ბეჭდვა
თქვენი კომენტარი