იტალია მსოფლიოში უმსხვილესი ღვინის მწარმოებელი ქვეყნის ტიტულს კარგავს

იტალია წლებია მსოფლიოში ღვინის პირველი მიმწოდებელი ქვეყანაა, თუმცა ფაქტია, კლიმატური ცვლილებები ძალიან ბევრ რამეს ცვლის. ექსტრემალურმა კლიმატურმა პირობებმა და დაავადებებმა იტალიაში ძალიან ბევრი ვენახი გაანადგურა, რის გამოც 2023 წელს წარმოება 44 მლნ. ჰექტოლიტრზე დაბლა დაეცა. წლევანდელი წელი იტალიელი მეღვინეებისთვის, როგორც Euro News-ზე ვკითხულობთ, განსაკუთრებით რთული იყო, შარშანდელთან შედარებით წარმოება 12%-ითაა შემცირებული. მეღვინეებს მთელი დეკადის განმავლობაში ასეთი ცოტა წარმოება არასოდეს უნახავთ. 

როგორც პროგნოზირებენ, წარმოება 20 პროცენტით შემცირდება ცენტრალურ იტალიის რეგიონებში და დაახლოებით 30 პროცენტით სამხრეთ რეგიონებში, როგორიცაა სიცილია და ბაზილიკატა.
ასეთი ვარდნა გამოწვეულია ცუდი ამინდებითა და სოკოვანი დაავადებით, რომელსაც ეწოდება plasmopara viticola.
თბილ, ნოტიო პირობებში დაავადება მარტივად ვრცელდება ფოთლებსა და ნაყოფზე, რაც ხშირად იწვევს მცენარის ნაწილის ლპობას.
წელს მან განსაკუთრებით დააზარალა იტალიის ცენტრალური და სამხრეთ რეგიონები ნალექის ზრდის, ხელსაყრელი ამინდის გამო.
„მოსავალი, რომელსაც ჩვენ ახლა ვუყურებთ, ძალიან ცუდი და სამწუხაროა, რაც, უპირველეს ყოვლისა, კლიმატის ცვლილების ეფექტის გამოა, რომელმაც გაზაფხულის ბოლოს და ზაფხულის დასაწყისში პათოგენური დაავადებები გამოიწვია, როგორიცაა “ჭინჭრის ციება”, ასევე სეტყვა, წყალდიდობა და გვალვა“, - თქვა რიკარდო კოტარელამ, ასოენოლოგის ხელმძღვანელმა  განცხადებაში. ის დასძენს, რომ წარმოების ვარდნა არ იმოქმედებს ღვინის ხარისხზე:  „2023 წლის მოსავლიდან ჩვენ აუცილებლად მივიღებთ კარგი ხარისხის ბრწყინვალე ღვინოებს, თუმცა ფაქტია, წარმოება შემცირდა. “, - თქვა მან.

იტალიის ნაცვლად პირველი ადგილი, როგორც ღვინის უმსხვილესმა მწარმოებელმა მსოფლიოში, საფრანგეთმა დაიკავა, მაგრამ ეს სულაც არ ნიშნავს მევენახეების გამარჯვებას. სამი მიზეზის გამო - ცხოვრების ხარჯების კრიზისმა და კოვიდ ვირუსის გავრცელებამ წინა წლებში ქვეყანაში ღვინოზე მოთხოვნა შაგრძნობლად შეამცირა. 

საფრანგეთის მთავრობამ ცოტა ხნის წინ გამოაცხადა, რომ გამოყოფენ 200 მილიონი ევროს ჭარბი ღვინის წარმოებისთვის, რათა ხელი შეუწყონ მეღვინეებს, რომლებსაც ფინანსურად უჭირთ: „ეს დახმარება მიზნად ისახავდა ფასის მკვეთრი ვარდნის შეჩერებას და მეღვინეებისთვის შემოსავლის წყაროს ხელახლა პოვნას“ - განუცხადა აგვისტოში ჟურნალისტებს სოფლის მეურნეობის მინისტრმა მარკ ფესნეუმ, თუმცა, მან ხაზგასმით აღნიშნა ისიც, რომ ფრანგულ ღვინის სექტორს მომავლისკენ ხედვა, სამომხმარებლო ცვლილებებზე ფიქრი და გარემოსთან ადაპტირება სჭირდება. შეგახსენებთ, რომ კლიმატის გამო ბორდოშიც ძალიან საგრძნობლად დაზარალდა ვენახები, რის შესახებაც ჩვენს სტატიაში გაეცნობით.

© ღვინის კლუბი/vinoge.com