ყველაზე ძვირადღირებული ყველი

სერბეთის ნაკრძალ Zasavica-ში ბინადრობს ცხოველი, რომელიც ყველაზე ძვირადღირებული ყველისთვის საჭირო ნადლეულს იძლევა. გაგიკვირდებათ და, საუბარია ჩვეულებრივ ვირზე, რომლის რძისგანაც წარმოებული ერთი კილოგრამი ყველი  Pule  1000 ევრო ღირს. როგორც ფერმერები ამბობენ, ასეთი მაღალი ფასი ობიექტური მიზეზებითაა განპირობებული - გარდა იმისა, რომ ეს ყველი ძალზე გემრიელი  და სასარგებლოა, ვირი ძალზე მცირე რაოდენობის რძეს იძლევა, რაც საბოლოოდ პროდუქტის ღირებულებაზე აისახება. მაგალითისთვის - ერთი ვირი წლის განმავლობაში სულ 8-10 ლიტრ რძეს იწველება, ერთი კილოგრამი ყველის ამოსაყვანად კი დაახლოებით 25 ლიტრი რძეა საჭირო. ამიტომ სულაც არაა გასაკვირი, რომ ვირის რძისგან დამზადებული ყველი შეზღუდული რაოდენობით და წინასწარი შეკვეთით იყიდება.