Bacardi-ს ახალი სასმელები: Bacardi Mojito და Bacardi Cuba Libre სულ მალე, ბარებში, სადაც კოქტეილებს არ ამზადებენ, ლუდს გაუწევენ კონკურენციას. Bacardi Mojito-ს შემდგენლობაში შედის: რომი Bacardi Superior, პიტნა, ლაიმი და დაგაზული წყალი. ალკოჰოლის პროცენტული მაჩვენებელი ამ სასმელში 5,4%-ია. რაც შეეხება მეორე სასმელს, Bacardi Cuba Libre ლაიმას, კოკა-კოლასა და Bacardi Gold, –ის ნაზავია. სასმელები 275 მლ ტევადობის ბოთლებში ჩამოსხმული გამოდის, მიზნობრივ მომხმარებლებად კი 18-დან 24 წლამდე ასაკის ახალგაზრდები მიიჩნევიან. მწარმოებლები არ გამორიცხავენ, რომ მათი პროდუქცია სუსტი სქესის წარმომადგენლებსაც მიიზიდავს, რადგან ბარებში მოხიტოს ქალებიცა და კაცებიც სიამოვნებით მიირთმევენ ხოლმე. ამგვარი ტიპის სასმელის გამოშვება დიდ ბრიტანეთში ბოლო წლებში კოქტეილებზე მოთხოვნის ზრდის გამო გადაწყდა. აღმოჩნდა, რომ 18-29 წლის ახალგაზრდებს შორის ყველაზე მეტი პოპულარობით სწორედ კოქტეილი მოხიტო სარგებლობს. კომპანია Bacardi–ს წარმომადგენლები დარწმუნებულნი არიან, რომ მათ მიერ გამოშვებული კოქტეილები ახალგაზრდების მოწონებას დაიმსახურებს. სიახლეს კომპანია მძლავრი სარეკლამო კამპანიით უჭერს მხარს და პროდუქციის რეკლამა ყველა სფეროს – ტელევიზიას, პრესას, ინტერნეტსა თუ ქუჩებს მოიცავს.
© ღვინის კლუბი/Weekend
ბეჭდვა
თქვენი კომენტარი