გამოქვეყნებულია: 9 ნოემბერი, 2018 - 00:12
ახმეტის რაიონის სოფლებში მოყვანილი ქისიდანაა ღვინო დაყენებული, ტრადიციული წესით, ქვევრში. ოქროსფერი ღვინოა, მცირედი ქარვისფერით. სურნელში თავიდანვე მოტკბო არომატებს იგრძნობთ (დაშაქრული თხილი, ტკბილი სანელებლები), რომელიც გემოზე კიდევ უფრო ცხადი ხდება და საბოლოოდ, სასიამოვნო ტანინებთან და მჟავიანობასთან ერთად, კარგ დაბოლოებად ყალიბდება. სუფრასთან მიიტანეთ 12–14°–ზე გაგრილებული. ახალგაზრდაც შეგიძლიათ დალიოთ, თუმცა 5–6 წლით დავარგებაც ძალიან მოუხდება ღვინოს. მიაყოლეთ შემწვარ წიწილს, საქონლის ენას, ხორციან სალათებს.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი
თემა:
ბეჭდვა
თქვენი კომენტარი