კურდღლის ჩახოხბილი

საჭირო მასალა: 1.500 გ კურდღლის ხორცი, 4-5 თავი ხახვი, 1 ლ დაჭყლეტილი პამიდორი, 1 ს.კ. ტომატპასტა, 1 ჭიქა წყალი, 2 ჩ.კ. შაქარი, 1 კონა ქინძი, 1 კონა ოხრახუში, 1 კონა რეჰანი, 100-150 გ კარაქი, 2 კბილი ნიორი, მარილი, წიწაკა -  გემოვნებით.

მომზადება: ხორცი დავჭრათ, კარაქსა და დაჭრილ ხახვთან ერთად მოვათავსოთ ქვაბში, დავუმატოთ მარილი, წიწაკა და მოვშუშოთ. დავუმატოთ პამიდორი, წყალში გახსნილი ტომატპასტა, შაქარი და გავაგრძელოთ შუშვა. როცა მომზადდება, დავუმატოთ დაჭყლეტილი ნიორი, დაჭრილი მწვანილი და ერთხელ წამოვადუღოთ.

© ღვინის კლუბი/Weekend