გამოქვეყნებულია: 10 აგვისტო, 2017 - 20:07
ეს ახალი მცირე მარანიც ახალი ღვინის ფესტივალი 2017-ზე გამოჩნდა პირველად. ყურძენი სიღნაღის რაიონის სოფელ ვაქირშია მოწეული, ე.წ. „ხევზე“. დადუღდა ჭაჭაზე და კლერტზე და 60 დღის განმავლობაში ვრგდებოდა, რის შედეგადაც ღვინო საკმაოდ ინტენსიური ქარვისფერი დადგა. კარგად ნაცნობი პირველი არომატებით (ქართული სუნელები, მზეზე დაბრაწული ვაშლის ჩირი). ტანინიანი, ახალგაზრდა, გამჭოლი ღვინოა. გემო-სურნელების თვალსაზრისით კლასიკური კახური ღვინის ნიმუში.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი
თემა:
ბეჭდვა
თქვენი კომენტარი