ჩემი მარანი

მალხაზ ხარბედია: "მემგონი ეს ნიმუში ზუსტად შეესაბამება იმ მოთხოვნებს, რითაც წინანდლის ტიპის ღვინო განისაზღვრება ხოლმე. საკმაოდ კარგი ნიმუშია, ჰარმონიული".

დათო მაჭავარიანი: "მართალია თავიდან ცოტა სიხალისე აკლდა და სიმწარეც შესამჩნევი იყო ღვინოში, თუმცა მთლიანობაში მომეწონა".

შალვა ხეცურიანი: "ძალიან კომპლექსური არომატი აქვს, მდიდარი ხილის ტონებით, მსუბუქი მინერალებით. გემოში უფრო ჩაკეტილია. ბოლოში სიმწარეს ტოვებს."

ბონდო კალანდაძე: "რაღაც გარეშე სურნელი იგრძნობა. ცოტათი განსხვავდება იმ ღვინოებისგან, რომელიც ტიპიურია მწვანესა და რქაწითლისთვის. იგრძნობა მუხაც."

დათო მაჭავარიანი: "როგორც ჩანს, თავიდან უფრო არომატული იყო ღვინო და შემდეგ ცოტათი დაიჟანგა. კასრი ან ჩიფსიც ეტყობა. კარგი გემო აქვს, თუმცა სიხალისე აკლისა. მეტნაკლებად ჰარმონიულია".

ნუგზარ ქსოვრელი: "წინა სამ ნიმუშში მეტ-ნაკლებად ერთი მიმართულება იყო. აქ უკვე სხვა ტიპის ღვინოა, ეს ფერზეც ჩანს. არომატზე ოდნავ დაჟანგულია, მცირე .ეწ. პეტროლის ტონები აქვს, მუხაც ჩანს, თუმცა არც დამრგვალებული არ არის, სიმჟავე წინა პლანზე გამოდის."

მალხაზ ხარბედია: "აშკარად ჩანს მწვანის ჯიშური ტონები. პირველი ცხვირი ჩემთვის ძალიან ეკზოტიკურიც კი იყო, ციტრუსის სურნელებით. გემოზე მომრგვალებულია, მცირე სიხისტით. ჯერ-ჯერობით გასინჯული ნიმუშებიდან ამ ღვინოს ყველაზე კარგი დაბოლოება აქვს".

მომწვანო-მოოქროსფერო ღვინოა, თაფლისა და ბანანის ტონებით. მოტკბო, ე.წ. მომრგვალებული გემოთი, დაბალი მჟავიანობით, კარგად დაბალანსებული.