გამოქვეყნებულია: 17 სექტემბერი, 2013 - 01:18
დუროს ხეობა (პორტუგალია) მსოფლიოს ერთ–ერთი გამორჩეული ღვინის რეგიონია. აქაური ყურძნიდან შესანიშნავი პორტოებიც იწარმოება, თუმცა ბოლო წლებში ძალიან პოპულარული გახდა დუროს არამხოლოდ შემაგრებული, არამედ მშრალი ღვინოებიც. ეს ღვინოც ასეთია, დამზადებულია კლასიკური ჯიშებიდან – ტურიგა ნასიონალი 70%, ტურიგა ფრანკა 25%, ტინტა ბაროკა 5%. ინტენსიური შეფერვის ღვინოა, მუქი ალუბლისფერი. საკმაოდ ინტენსიური სურნელებით, სადაც შავი კენკრა დომინირებს. ძალიან მაღალი ალკოჰოლის ღვინოა (15%), სხეულიანი. დაბოლოებაში ხილის და კენკრის ჯემებიც ჩნდება.
© ღვინის კლუბი/vinoge.com
თემა:
ბეჭდვა
თქვენი კომენტარი