ბოცვრის ბარკლები ნუშით

საჭირო მასალა: 4 ცალი ბოცვრის ბარკალი, 6 ს.კ. ზეითუნის ზეთი, 2 ტოტი როზმარინი, 3 ღერი ბეგქონდარა, 2 კბილი ნიორი, 40 გ პამიდვრის ჩირი, 50 გ ნუშის ფანტელი, 50 გ შავი ზეთისხილი, 200 მლ თეთრი ღვინო, 400 მლ ბოსტნეულის ბულიონი, 500 გ მოხარშული კარტოფილი, 400 გ ცუკინი, მარილი, პილპილი - გემოვნებით.

მომზადება: ტაფაში ჩავასხათ ზეთი. ბოცვრის ბარკლებს წავუსვათ მარილი, პილპილი და ჩავაწყოთ ტაფაში. შევბრაწოთ ყველა მხრიდან. გამშრალი მწვანილები, ნიორი, პამიდორი, ნუში და ზეთისხილი კომბაინში დავაქუცმაცოთ. მიღებული მასა წავუსვათ ბოცვრის ბარკლებს, დავასხათ ღვინო, ბოსტნეულის ბულიონი. მოვაყაროთ ცოტა მარილი და პილპილი, შევდგათ ღუმელში და 1 საათი 200 გრადუსზე ვაცხოთ. ცალკე ტაფაზე გაცხელებულ ცხიმში შევწვათ საშუალოდ დაჭრილი კარტოფილი და ცუკინი. სუფრაზე ხორცი ბოსტნეულთან ერთად მივიტანოთ.

© ღვინის კლუბი/Weekend