სოკოსა და კარტოფილის კრემ-სუპი

მომზადება: ქვაბში გავაცხელოთ ცხიმი, ჩავყაროთ მსხვილად დაჭრილი ხახვი, სოკო და ოხრახუში. ხახვი კარგად რომ დარბილდება და გამჭვირვალე გახდება, დავასხათ ნახარში და დავუმატოთ სანელებლები. როცა ადუღდება, ჩავყაროთ პატარა ნაჭრებად დაჭრილი კარტოფილი, დავუწიოთ ცეცხლს და თავდახურული ვადუღოთ მანამ, სანამ არ მოიხარშება კარტოფილი. ამის შემდეგ ქვაბი გადმოვდგათ ცეცხლიდან, ამოვიღოთ დაფნის ფოთოლი და წვნიანი დავაბლენდეროთ, ჩავასხათ კვლავ ქვაბში, დავუმატოთ ნაღები, მარილი და წიწაკა. მუდმივად ვურიოთ და როდესაც წამოდუღდება, გადმოვდგათ ცეცხლიდან. სურვილისამებრ მოვაყაროთ ჯავზი. სუფრასთან მივიტანოთ შავ შებრაწულ პურთან ერთად.

რჩევა: როდესაც კრემ-სუპს ვამზადებთ, მისი კონსისტენცია ჩვენს ხელთაა. თუ გვსურს, რომ სუპი იყოს უფრო თხელი, დავუმატებთ ბოსტნეულის ნახარშს და წამოვადუღებთ.

შეგვიძლია ამავე ფორმით მოვამზადოთ ტრადიციული წვნიანი და არ დავაბლენდეროთ, პირდაპირ შევურიოთ ნაღები.