რძის სუპი ჩრდილოურად

საჭირო მასალა: 200 გ კარტოფილი, 200 გ სტაფილო, 200 გ გოგრა, 200 გ თალგამი, 30 გ კარაქი, 2 ს.კ. ფქვილი, 800 მლ რძე, 1 პატარა კონა ოხრახუში, 150 გ შებოლილი ორაგული, 150 გ გაყინული მწვანე ბარდა, მარილი, პილპილი, ჯავზი – გემოვნებით.

მომზადება: კარტოფილი, სტაფილო და თალგამი გავფცქვნათ და 2 სმ ზომის კუბებად დავჭრათ. ქვაბში გავაცხელოთ კარაქი და დავაყაროთ ფქვილი. 1 წუთში, როცა  გაოქროსფრდება, დავასხათ რძე. როცა რძე ადუღდება, დავუმატოთ ბოსტნეული და 15 წუთი ვხარშოთ. ამასობაში დავჭრათ ოხრახუში და თხლად დავჭრათ შებოლილი ორაგული. 15 წუთის შემდეგ დავუმატოთ  მწვანე ბარდა, შევანელოთ მარილითა და პილპილით და 5 წუთში ცეცხლიდან გადმოვდგათ. სუფრაზე გატანის წინ წვნიანში მოვათავსოთ ორაგულის ნაჭრები და მოვაყაროთ დაჭრილი ოხრახუში.

© ღვინის კლუბი/Weekend