საუზმე "სანარი სურ მერ"

პროდუქტები: 4 ნაჭერი რუხი პური (კარგი ხარისხის); 50 გ კარაქი; 150 გ დამარილებული ორაგული (ნაკლებ მარილიანი); 5-6 ცალი კვერცხი; 4 ს/კ რძე; მარილი, პილპილი; 4 ს/კ ხიზილალა.

მომზადება: პურის ნაჭრები ოდნავ დავაწითლოთ (უკეთესია ტოსტერში). მოვამზადოთ კვერცხის ომლეტი რძით, მარილით, პილპილით. თან გამუდმებით ვურიოთ. როცა მზად იქნება, გავყოთ ოთხ ულუფად. პურის ტოსტებს თხლად წავუსვათ კარაქი, დავადოთ თევზის თხელი ნაჭრები, ზემოდან მოვათავსოთ ომლეტი და ხიზილალა. მივირთვათ ფორთოხლის ახალ გამოწურულ წვენთან ერთად.

© ქეთი ადეიშვილი, ნინო ფანჯაკიძე/vinoge.com