ღორის ხორცის რულეტი შავქლიავათი და ვაშლით

საჭირო მასალა: 500-600 გ ღორის ხორცის ფილე, 1 დიდი ვაშლი, 150 გ შავქლიავას ჩირი, 2 ს.კ. მაიონეზი, 2 კვერცხი, 1-2 ს.კ. რძე, 1-2 ს.კ. ფქვილი, 0,5 ჭიქა წყალი ან ხორცის ბულიონი, 2 დაფნის ფოთოლი, მარილი, თეთრი და შავი პილპილი – გემოვნებით, ზეთი – შესაწვავად

მომზადება: ხორცის ნაჭრები თხლად დაჭვრით და დავბვგვოთ. მოვაყაროთ მარილი და პილპილი. შავქლიავას ჩირს დავასხათ მდუღარე წყალი, რომ დარბილდეს.

ვაშლი გავფცქვნათ და წვრილად დავჭრათ. ამავე ზომაზე დავჭრათ გადაწურული შავქლიავას ჩირი, შემდეგ შევურიოთ ერთმანეთს მაიონეზთან ერთად. ხორცის ფენებზე მოვათავსოთ გულსართი, გადავახვიოთ რულეტები და შევკრათ ხის ჩხირებით. კვერცხი, რძე და ფქვილი კარგად გავთქვიფოთ, ამოვავლოთ რულეტები და შევწვათ ზეთდასხმულ ტაფაზე. ამის შემდეგ რულეტები ჩავაწყოთ ღრმა ტაფაში, დავასხათ 0,5 ჭიქა ადუღებული წყალი, დაფნის ფოთლები და დაბალ ცეცხლზე თავდახურული ვშუშოთ დაახლოებით 30 წუთის განმავლობაში, სანამ ხორცი არ დარბილდება.

© ღვინის კლუბი/Weekend