ბურბერტი

საჭირო მასალა: 500 მლ რძე, 100 გ მანანის ბურღული, 4 ცალი კვერცხი, 4 ს.კ. შაქარი, 10 გ ვანილის შაქარი, მარილი. სოუსისთვის – 300 გ მჟავე ვაშლი, 3 ს.კ. შაქარი, 1 ს.კ. ქიშმიში.

მომზადება: მოვამზადოთ სოუსი - ვაშლი გავფცქვნათ, დავჭრათ, მოვათავსოთ ქვაბში, დავასხათ 1/3 ჭიქა წყალი, დავაყაროთ შაქარი და 5-10 წუთის განმავლობაში დაბალ ცეცხლზე ვშუშოთ. ვაშლი რომ დარბილდება, ცეცხლი გამოვრთოთ და დავუმატოთ ქიშმიში. სურვილისამებრ სოუსი ბლენდერში ავთქვიფოთ. ქვაბში ჩავასხათ რძე, დავუმატოთ შაქარი, ვანილის შაქარი, მარილი და მივიყვანოთ ადუღებამდე. წვრილი ნაკადით ჩავაყაროთ მანანის ბურღული და თან ვურიოთ. გამოვა სქელი ფაფა, ვხარშოთ 1-2 წუთი. ფაფა შევაგრილოთ. ცალკე კვერცხის ცილა გავთქვიფოთ. დავუმატოთ კვერცხის გულები და ღრუბელივით გათქვეფილი კვერცხის ცილა. მიღებული მასა მოვათავსოთ ცხიმწასმულ, ქაღალდჩაფენილ ფორმაში და გამოვაცხოთ 200 გრადუსზე გახურებულ ღუმელში 25-30 წუთის განმავლობაში, სანამ გული არ გამოშრება. ცხობისას პუდინგი ჯერ აიწევს, შემდეგ კი ჩავარდება და ეს ნორმალური პროცესია. მზა პუდინგი მივირთვათ ვაშლის სოუსთან ერთად.

© ღვინის კლუბი/Weekend