გამოქვეყნებულია: 24 მაისი, 2010 - 14:53
მრავალრიცხოვან მკვლევართა აზრით, იაპონელთა დღეგრძელობისა და ჯანმრთელობის საიდუმლო სწორ კვებაშია. თვითონ იაპონელები თავიანთ ტრადიციულ სამზარეულოს ვასოკუს (Washoku) უწოდებენ, რაც თარგმანში ,,კვების ჰარმონიას” ნიშნავს. ვასოკუ 5 პრინციპს ეფუძნება – საჭმელი უნდა იყოს:
ხუთი ფერის: წითელი, ყვითელი, მწვანე, შავი და თეთრი.
ხუთი გემოს: მარილიანი, მჟავე, ტკბილი, მწარე და ცხარე.
ხუთნაირად მომზადებული: წყალში მოხარშული, ორთქლზე მოხარშული, ნელი დუღილით მომზადებული, შემწვარი და დამარინადებული.
უნდა ამოქმედდეს ხუთივე შეგრძნება: მხედველობა, სმენა, შეხება, ყნოსვა, გემო.
სუფრასთან მისაღებია ხუთი გრძნობა: ფიზიკურად და სულიერად დანაყრება, მადლიერება სტუმრების, მზარეულის, ფერმერების, მეთევზეების და ა.შ. მიმართ.
თანამედროვე დიეტოლოგები თვლიან, რომ ეს სწორედ ის პრინციპებია, რომლებსაც ეფუძნება ოფიციალური დიეტოლოგია, ვინაიდან ის ზუსტად საკვების მრავალფეროვნებასა და მისი მომზადების სხვადასხვანაირ ტექნოლოგიას გულისხმობს.
© ღვინის კლუბი/“Weekend“
თემა:
ბეჭდვა
თქვენი კომენტარი