მასალა: 1 თავი ხახვი, 2-3 ს.კ. ზეითუნის ზეთი, 500 გ შერეული ფარში, 0,5 ჩ.კ. მარილი, 0,5 ჩ.კ. შავი პილპილი, 500 გ დაჭყლეტილი პომიდორი, 1 ჩ.კ. მშრალი ოხრახუში, 2 ჩ.კ. გამშრალი რეჰანი, 40 გ ფქვილი, 400 მლ რძე 50 გ კარაქი, 50 გ პარმეზანი და ლაზანიას 10 ფირფიტა.
მომზადება:მოშუშული ხახვი და ხორცის ფარში ერთად მოვშუშოთ, დავამატოთ მარილი და პილპილი, დაჭყლეტილი პომიდორი და ბოლოს მწვანილი ეს ყველაფერი ცოტა ხანი ერთად ვადუღოთ. ცალკე ტაფაზე მოვამზადოთ ბეშამელის საწებელი: დავადნოთ 40 გ კარაქი და შევურიოთ ფქვილი. ცხელ მასას თანდათან დავუმატოთ ცივი რძე და თან ვურიოთ. შესქელებულ მასას დავუმატოთ პილპილი და მარილი. ოთხკუთხედ ფორმას წავუსვათ დარჩენილი კარაქი და მასში ფენა-ფენა მოვათავსოთ ლაზანიას ფენები, ბეშამელის საწებელი და ფარში. ბოლო ფენას მოვაყაროთ გახეხილი პარმეზანი და შევდგათ გახურებულ ღუმელში 30 წუთით.
© ღვინის კლუბი/“Weekend“
ბეჭდვა
თქვენი კომენტარი