ქათმის ნაგეტსები ქოქოსის ფანტელით

საჭირო მასალა: 300 გ ქათმის მკერდის ფილე, 1 ცალი კვერცხი, 2 ს.კ. რძე, 4 ს.კ. ქოქოსის ფანტელი, 3-4 ს.კ. საფანელი, ცოტაოდენი ფქვილი, 4-5 ს.კ. ზეთი, მარილი, პილპილი – გემოვნებით, ჩილის ნაკლებად ცხარე სოუსი და ლაიმის ნაჭრები - გარნირად.

მომზადება: ქათმის ფილე მოგრძო ნაჭრებად დავჭრათ. კვერცხი და რძე ავთქვიფოთ. ქათმის ნაჭრებს მარილი მოვაყაროთ, ჯერ ფქვილში, შემდეგ კვერცხის მასაში, ბოლოს კი ქოქოსის ფანტელში ამოვავლოთ და გაცხელებულ ზეთში შევწვათ საშუალო ტემპერატურაზე. მოვათავსოთ საშრობ ქაღალდზე, რომ დაიწრიტოს. მივირთვათ ლაიმსა და ჩილის სოუსთან ერთად.

© ღვინის კლუბი /Weekend