მოხარშული კარტოფილი ავოკადოსა და რიკოტას დიპით

საჭირო მასალა: 500 გ მოხარშული კარტოფილი, 1 ცალი ლიმონი, 250 გ რიკოტა (ან ნადუღი), 2 ს.კ. ზეითუნის ზეთი, 2 ჩ.კ. დაღერღილი წიწაკა, 1 ცალი მწიფე ავოკადო, 1 პატარა კონა მწვანე ხახვი, მარილი – გემოვნებით.

მომზადება: ლიმონს ცედრა მოვაცალოთ და გავწუროთ. რიკოტაში ავურიოთ ლიმონის წვენი, ცედრა და ზეითუნის ზეთი. მოვაყაროთ დაღერღილი წიწაკა და მარილი. ავოკადო გავჭრათ, ამოვაცალოთ კურკა და წვრილად დავჭრათ. მოვასხათ 1 ს.კ. ლიმონის წვენი. მწვანე ხახვი წვრილად დავჭრათ. ნახევარი ავოკადო და მწვანე ხახვი რიკოტას მასას ავურიოთ. კარტოფილს მოვასხათ  ავოკადოსა და რიკოტას დიპი, ზემოდან მოვაყაროთ დარჩენილი მწვანე ხახვი, ავოკადო და ცოტაოდენი დაღერღილი წიწაკა.

© ღვინის კლუბი /Weekend