ღვინის წარმოების ლიდერები

ფრანგმა მეღვინეებმა შეძლეს ძველი მეტოქეების - იტალიელების დაჯაბნა. წელს საფრანგეთმა შარშანდელთან შედარებით 11%-ით მეტი (50,2 მილიონი ჰექტოლიტრი) ღვინო აწარმოა. იტალიაში კი, იმის გამო, რომ ვენახების ფართობი საგრძნობლად შემცირდა, წარმოების ტემპი დააგდეს და ამ მაჩვენებელმა 2011 წელს 17%-ით ნაკლები (42 მილიონი ჰექტოლიტრი) შეადგინა, ვიდრე გასულ წელს. ღვინის წარმოების კლების ტენდენცია შეინიშნება აგრეთვე ესპანეთშიც - წელს ამ ქვეყანაში მხოლოდ 36,5 მილიონი ჰექტოლიტრი ღვინო აწარმოეს. მიუხედავად იმისა, რომ საფრანგეთში ღვინის წარმოებამ მოიმატა, ფრანგულ სუფრის ღვინოზე ფასები ევროპაში დაახლოებით ათი ევროს ნიშნულზეა გაჩერებული. ზოგიერთი ექსპერტი მომავალში ღვინის გაძვირებასაც წინასწარმეტყველებს.

© ღვინის კლუბი/Weekend