კიში ოსპითა და წითელი წიწაკით

საჭირო მასალა: ცომი – 1 ჭიქა ფქვილი, 1/3 ჭიქა მარგარინი, 4 ს.კ. წყალი. გულსართი – 180 გ წითელი ოსპი, 3 ჩ.კ. კარაქი, 1 ცალი ხახვი, 2 ცალი ტკბილი წიწაკა, 1 ჩ.კ. მშრალი საფუარი, 1 ს.კ. ტომატ-პასტა, 3 ღერი ოხრახუში, შავი პილპილი, მარილი – გემოვნებით.

მომზადება: ერთმანეთში ავურიოთ ოთახის ტემპერატურაზე დარბილებული მარგარინი და ფქვილი. მივიღებთ ფხვიერ მასას. დავასხათ ცივი წყალი და მოვზილოთ ცომი. ოსპი ჩავყაროთ წყალში და კარგად მოვხარშოთ, შემდეგ ჩავზილოთ. წიწაკა და ხახვი დავჭრათ. ოხრახუში დავკეპოთ. მოვშუშოთ ხახვი და წიწაკა, სანამ არ დარბილდება, დავუმატოთ ოსპის პიურე, მშრალი საფუარი, ტომატ-პასტა და ოხრახუში. შევაზავოთ მარილითა და პილპილით. ფქვილმოყრილ ზედაპირზე გავაბრტყელოთ ცომი ისე, რომ მივიღოთ 25 სმ დიამეტრის წრე. ცომი მოვათავსოთ ფორმაში და გავუკეთოთ გვერდები. დავჩხვლიტოთ ჩანგლით და შიგნით ჩავდოთ გულსართი. კიში გამოვაცხოთ 200 გრადუსზე გახურებულ ღუმელში 25-30 წუთის განმავლობაში.

© ღვინის კლუბი/Weekend