შინაური ყველი ძირათი და ქინძით

საჭირო მასალა: 1 ლ კეფირი, 1 ლ რძე, 6 კვერცხი, 1/3 ჩ.კ ცხარე წითელი წიწაკა, 4 ჩ.კ. მარილი, 1 კბილი ნიორი, მწიკვი ძირა, 4-5 ცალი მწვანე ხახვი, 1 კონა კამა და ქინძი.

 

მომზადება: რძე და კეფირი შევურიოთ, დავდგათ ნელ ცეცხლზე და თანდათანობით ჩავასხათ მასში მარილთან ერთად ათქვეფილი კვერცხი. ვადუღოთ, სანამ შრატი არ გამოიყოფა. შეგრილებულს დავუმატოთ წვრილად დაჭრილი მწვანილი, მწვანე ხახვი, დაჭყლეტილი ნიორი, ძირა, წიწაკა და 2-3 ფენა დოლბანდში გახვეული რამდენიმე საათით დავკიდოთ გასაწურად. როცა შრატი ჩამოიწურება, დოლბანდი შევკრათ და მივცეთ მრგვალი ფორმა. მოვათავსოთ თეფშზე და დასაწნეხად ზემოდან დავადოთ ნებისმიერი სიმძიმე. ერთი ღამე გავაჩეროთ მაცივარში და დილით შეგვიძლია გავჭრათ.