ბადრიჯნის კრემ-სუპი კარით

საჭირო მასალა: 1 ცალი ბადრიჯანი, 1 თავი ხახვი, 1 ჩ.კ. კარის ფხვნილი, 1 ს.კ. ზეითუნის ზეთი, 150 მლ არაჟანი, ნაღები ან გაწურული მაწონი, 1 კონა ქინძი, 1 კბილი ნიორი, მარილი, თეთრი პილპილი – გემოვნებით.

მომზადება: ხახვი და ბადრიჯანი დავჭრათ საშუალო ზომის ნაჭრებად, შევურიოთ კარის ფხვნილი, ავურიოთ ზეითუნის ზეთი და შევდგათ ღუმელში დაახლოებით 20-25 წუთი. ბოსტნეული შევაზავოთ მარილითა და პილპილით და ავთქვიფოთ ბლენდერის საშუალებით. ცალკე ავთქვიფოთ ქინძი და ნაღები. ბოსტნეულის მასას დავასხათ 1-2 ს.კ. წყალი, წამოვადუღოთ და შევურიოთ ნაღების მასა.

© ღვინის კლუბი/Weekend