ორაგული ცივ მარინადში

საჭირო მასალა: 700-800 გ ორაგულის ფილე, 1 ჩ.კ. მარილი, დაფქული თეთრი პილპილი, 1 დიდი ლიმონის წვენი, ზეთი შესაწვავად.

მარინადისათვის – 2 ფორთოხალი, 3-4 მწვანე ხახვი, 2 კბილი ნიორი, 1 ცალი წითელი ბულგარული წიწაკა, 1 კონა კამა, 50 მლ ზეთი, 50 მლ თეთრი მშრალი ღვინო, 50 მლ ძმარი, 0.5 ჩ.კ. თაფლი, თეთრი პილპილი, 1 ჩ.კ. მარილი.

მომზადება: თევზი გავასუფთაოთ, დავასხათ ლიმონის წვენი და გავაჩეროთ 10 წუთი. მარინადი – გამოვწუროთ ფორთოხალი, გავხეხოთ ცედრა, დავკეპოთ კამა, ხახვი და ნიორი, თხლად დავჭრათ ბულგარული წიწაკა და ინგრედიენტები შევურიოთ ერთმანეთს. თევზი ამოვიღოთ ლიმნის წვენიდან, მოვაყაროთ მარილი, პილპილი და შევწვათ ცხელ ტაფაზე ორივე მხრიდან. შემწვარ თევზს დავასხათ ცივი მარინადი და 5 საათით ოთახის ტემპერატურაზე გავაჩეროთ.

© ღვინის კლუბი/Weekend