“მარწყვის კალათა”

საჭირო მასალა: 3 ცალი კარტოფილი, 1 ცალი მჟავე ვაშლი, 8 ცალი კიბორჩხალის ჩხირი, 2 ცალი კვერცხი, 250-300 გ ნაკლებად მარილიანი გამოყვანილი ორაგული, 1 ცალი ხახვი, 1 კონა ოხრახუში, 0.5 ჩ.კ. კურკუმასა და კარის ნაზავი, მაიონეზი – გემოვნებით.

მომზადება: ორაგულის მოზრდილ ნაჭერს ავათალოთ თხელი ფენები მარწყვების გასაკეთებლად. კრაბის ჩხირები, ვაშლი, “მარწყვებიდან” მორჩენილი  ორაგულის ნაჭრები, კვერცხი და ხახვი დავჭრად პატარა ნაჭრებად, დავუმატოთ მაიონეზი. თევზის ანათალ ფენებში გავხვიოთ სალათა და მივცეთ მარწყვის ფორმა, ხაშხაშის თესლებით გავუკეთოთ შავი წერტილები და ფოთლების ნაცვლად მოვრთოთ ოხრახუშით. ხაშხაში თუ არ გვაქვს, შეგვიძლია გამოვიყენოთ შავი სეზამის მარცვლები. კარტოფილი მოვხარშოთ და პიურეთი გავაკეთოთ კალათი, შიგ მოვათავსოთ სალათა და ზემოდან დავაწყოთ ორაგულის “მარწყვები”. მაიონეზში შევურიოთ  კურკუმა და კარის ნაზავი და წავუსვათ კარტოფილის კალათს გარედან. კალათის სახელური შეიძლება გამოვაცხოთ ნებისმიერი სახის ცომისაგან.                                                                                                                                                              

© ღვინის კლუბი/Weekend