ტალიატელე ტახის ხორცით

საჭირო მასალა: 250 გ ტახის რბილი ხორცი, 40 მლ ზეთი, 2-3 ს.კ. ტომატპასტა, 1 მუჭა ფქვილი, 1 ცალი დაფნის ფოთოლი, 250 მლ წითელი ღვინო, 600 გ სხვადასხვა ბოსტნეული (ხახვი, კარტოფილი, ნიახური და სხვ.), 0,5 ს.კ. მდოგვი, 3 ს.კ. შტოში ან წითელი მოცხარი, მარილი, პილპილი – გემოვნებით. ცომისთვის – 1 კგ თეთრი მანანის ბურღული, 6 ცალი კვერცხი, 2 ცალი კვერცხის გული, 6 ს.კ. ზეითუნის ზეთი, 4 ს.კ. წყალი.

მომზადება: ხორცი დავჭრათ და ცხიმში შევბრაწოთ, შემდეგ ტაფიდან ამოვიღოთ და ამავე ცხიმში მოვშუშოთ დაჭრილი ბოსტნეული. ცალკე მოვშუშოთ ტომატპასტა და შევურიოთ ფქვილი. დავუმატოთ ხორცი, დავასხათ ღვინო და წამოვადუღოთ. შემდეგ დავუმატოთ ცოტა წყალი და 1 საათი დაბალ ცეცხლზე, თავდახურული ვშუშოთ. დავუმატოთ მოშუშული ბოსტნეული და განვაგრძოთ შუშვა. როცა ხორცი დარბილდება, დავუმატოთ მდოგვი და კენკრა. მოვზილოთ ცომი, გავაბრტყელოთ და თხლად დავჭრათ (სასურველია ცომის გასაბრტყელებელი მანქანის გამოყენება). ქვაბში ავადუღოთ ბლომად წყალი, ჩავყაროთ 1 ს.კ. მარილი და მოვხარშოთ მომზადებული ცომის ნაჭრები, შემდეგ გადავწუროთ (წყალი არ გადავავლოთ!) და სუფრაზე ხორცის რაგუსთან ერთად მივიტანოთ.

© ღვინის კლუბი/Weekend