3 დეკემბერს, სამშაბათს, ღვინის კლუბში, საღამოს 19:00 საათზე, გიწვევთ ღვინის განათლების სფეროში მსოფლიო ლიდერის, Wine & Spirit Education Trust–ის (WSET) პროგრამების პრეზენტაციაზე.
შეხვედრა შედგება ეროვნული ბიბლიოთეკის 3 კორპუსის მთავარ აუდიტორიაში.
EPI-ის (ეკონომიკური აღმავლობის ინიციატივა) ფინანსური მხარდაჭერით WSET-ის სკოლა უკვე არაერთმა ქართველმა ღვინის სპეციალისტმა დაასრულა. საქართველოში 10–ზე მეტი 2–ე დონის ექსპერტია და გარდა ამისა, ცოტა ხნის წინ, სამმა სპეციალისტმა წარმარტებით ჩააბარა 3–ე დონის გამოცდებიც. 3 დეკემბერს სწორედ ეს სამი კურსდამთავრებული დაჯილდოვდება – გიორგი დარციმელია, გიორგი სამანიშვილი და მალხაზ ხარბედია.
გარდა ამისა, "ღვინის კლუბში" გამართულ სადღესასწაულო შეხვედრაზე თქვენ შეძლებთ დეტალური ინფორმაცია მიიღოთ WSET–ის შესახებ, ასევე ვისაუბრებთ WSET–ის სკოლის ქართულ ფილიალზე, რომელიც მომავალი წლიდან ამოქმედდება "ღვინის კლუბის" ბაზაზე.
გარდა ამისა, დააგემოვნებთ ქართულ ღვინოებს :)
ბეჭდვა
თქვენი კომენტარი