ფრანგული ბრენდი St-Germain ცნობილია ამავე სახელწოდების ლიქიორის წარმოებით, რომლის დასამზადებლადაც ანწლის ყვავილები გამოიყენება. ეს არაჩვეულებრივი გემოს მქონე ლიქიორი 2007 წელს გამოვიდა და მაშინვე მიიპყრო ბარმენთა ყურადღება, რადგან მისგან შესანიშნავი კოქტეილები მზადდება. ახლახან სწორედ ამ სასმლის პატივსაცემად შეიქმნა ველოსიპედი, რომელსაც კოქტეილებთან მიმართებაში სიმბოლური დატვირთვა აქვს – ანწლის ყვავილები ხომ ზაფხულში იკრიფება, მათ შესაგროვებლად კი ფერმერები ალპებისკენ მიეშურებიან და ამისთვის ველოსიპედებს იყენებენ. მუქი ლურჯი ფერის ველოსიპედი St-Germain's Whimsical Wheels ლიმიტირებული რაოდენობით გამოვიდა და ათასი დოლარი ღირს. მისი სკამი, ჩანთა და საჭე ძვირფასი ტყავითაა გაწყობილი, საბურავები კი სახლეგანთქმული Michelin-სა აქვს. ,,კოქტეილის” ველოსიპედი სხვა დეტალითაცაა გამორჩეული – მას ბოთლისთვის განკუთვნილი სპეციალური ტყავის სამაგრები აქვს.
© ღვინის კლუბი/Weekend
ბეჭდვა
თქვენი კომენტარი