ჯერჯერობით დაუდგენელმა პირებმა ავსტრიაში რამდენიმე ასეული წლის ვენახი გაჩეხეს. ქალაქ აიზენშტადტში გაშენებული ვაზი ვანდალებმა სრულიად გაანადგურეს. ნიშანდობლივია, რომ ვაზის ეს ჯიში, ცნობილი ავსტრიული სახეობის - გრიუნერ ველტლინერის წინაპრად ითვლება. ზარალმა, როგორც აცხადებენ, ასი ათას ევროს გადააჭარბა. რამდენიმე წლის წინ მეცნიერთა მიერ ჩატარებულმა კვლევებმა და ათასობით ჯიშის ვაზის შედარებამ ცხადყო, რომ ყურძნის სახელგანთქმული თეთრი ჯიში გრიუნერ ველტლინერი სათავეს სწორედ ამ ვენახიდან იღებდა. რამდენიმე საუკუნის წინ იქაური ყურძენი ტრამინერის ჯიშის ყურძენთან შეაჯვარეს, რამაც სათავე დაუდო შემდგომში ავსტრიული მეღვინეობის სავიზიტო ბარათად აღიარებულ სასმელს. მართლაც, გრიუნერ ველტლინერი ავსტრიული ღვინის ინდუსტრიის ფლაგმანი და სიამაყეა. იქაური ღვინის წარმოების 33% სწორედ ამ ჯიშზე მოდის. ავსტრიის, ჩეხეთისა და სლოვაკიის გარეთ გრიუნერ ველტლინერს იშვიათად ნახავთ.
© ღვინის კლუბი/Weekend
ბეჭდვა
თქვენი კომენტარი