გამოქვეყნებულია: 16 მაისი, 2013 - 15:56
კოლორადოს (აშშ) უნივერსიტეტის მეცნიერებმა კიდევ ერთ მიზეზს მიაკვლიეს, თუ რატომ უნდა მივდიოთ სპორტს. გამოკვლევებმა აჩვენა, რომ ფიზიკური ვარჯიში ამცირებს და ხშირად სრულიადაც კი ანეიტრალებს თავის ტვინზე მიყენებულ იმ ზიანს, რასაც გადაჭარბებული სმისაგან ვიღებთ. მეცნიერებმა შეკრიბეს ალკოჰოლის მოყვარული მოხალისეები, რომელთაც ტვინის სკანირება ჩაუტარეს, შემდეგ კი თითოეული მათგანი გამოკითხეს, მისდევენ თუ არა სპორტს. აღმოჩნდა, რომ მათ, ვინც სასმელსა და სპორტს ერთმანეთს უთავსებს, ტვინის ქსოვილი ნაკლებ დაზიანებული აქვთ მათთან შედარებით, ვისაც მჯდომარე ცხოვრების წესი აქვს.
© ღვინის კლუბი/Weekend
ბეჭდვა
თქვენი კომენტარი