სამხრეთ აფრიკის ღვინოების მორიგი აღიარება

შვედური ჟურნალის Alt Om Mat-ის მიერ გამოცხადებულ ყოველწლიურ კონკურსზე, რომელიც წელს 53-ედ ჩატარდა, საუკეთესო მეღვინის წოდება სამხრეთაფრიკელ Danie Malan-ს ხვდა წილად. მეურნეობა Allesverloren, რომლის თანამშრომელიც გახლავთ გამარჯვებული მეღვინე, ქალაქ სვარტლენდში მდებარეობს. კონკურსში 4200 სახეობის ღვინო იღებდა მონაწილეობას ანუ ზუსტად იმდენი, რამდენი ღვინის ნახვაც შვედური ალკოჰოლური სასმელების მაღაზიების დახლებზე შეიძლება. საინტერესოა, რომ სამხრეთ აფრიკის ღვინოებს შვედურ ბაზარზე საკმაოდ დიდი ადგილი უკავია. Wines of South Africa-ს აზიისა და აფრიკის მარკეტინგის მენეჯერის, Michaela Stander-ის თქმით, შვედეთის სამეფოში მათ ღვინოების გაყიდვების პროცენტული მაჩვენებელი 21,3%-ია, მაშინ, როცა იტალიური, ავსტრალიური, ესპანური და ფრანგული ღვინოებისა შესაბამისად, 16,3%, 14,5%, 12,4% და 8,3%-ს შეადგენს. სამხრეთ აფრიკის ღვინოების გასაღების ძირითადი ბაზარი, ტრადიციულად, დიდი ბრიტანეთი და გერმანიაა, ახლა კი მათ შვედეთიც შეუერთდა. შემდეგ ადგილებზე მოდიან: ჰოლანდია, დანია, ამერიკის შეერთებული შტატები და კანადა.
© ღვინის კლუბი/Weekend